“Quimera” Katiyripimi patsak paktsak salchashpa llakichiyachik runakunata hapirkakuna

1. – Chunka runakunata hapishka, tawka raku illapakunata, anatawakunata, tawka charishkakunata hapiymi kay “Quimera katiriypi hapirkakuna, kay wanra tutamantami Manabí, Guayas markapimi paktarirka.

Kayshina llankaytaka Unidad de Inteligencia Anti- delincuencial (UIAT) tantanakuypi llankak chapakkunami paktachirka, paykunaka Ecuador llaktapak Chapakkunami kan. Paykunaka 24 taripaytami rurarkakuna, kaymantaka 14 taripyaka Manta kitipi, 8 taripayka Portoviejo kitií, 2 taripaytaka Durán kitipimi paktarirka.

Mamallaktapi Chapakta pushak, Dr. José Serrano runaka kayshina hapiytaka 12 killakunata yuyaywan, chapaypipash llankashpami yachakchayashkanchik nirkami, kayshinami llakichik wankurikuna imashinalla llankashkata riksikchayarka, kay ayllukunaka ishkantik markapi llankak kashkakuna.

Hapitukushka runakunaka paktsak yalli shuwaykunamanta, salchaykunamanta, kullki aparik antawakuna, kullki wasikuna, antawakuna shuwaymanta, shinallatak illapakuna pakalla charishkamanta, mana pakta riksishka charinakuna mintalashkamantami huchachishka kashkauna. Kay hapitukuk runakunapak makipika tawka hatun uchilla illapakuna, tukyanakuna, wasi chapakkunapak churanakuna, shuktak pakalla charinakunapashmi hapitushka.

“Kay wankuritaka “Negro Arroyo” shutichishka runami pushakushka, kashnami Llaktapi Chapakta pushak, José Serrano runaka nirka.

Llaktapi llankayta pushak runaka alli llankaymi tiyashka nirkami, kay katinakuypika GIR llakichiyta chapak yachak runakunami kaypi karka. “Chapakkunapak pakta alli llankaymi kan. Kayshina punchata pakta llankayta tukuymanta chapakkuna pakta makipurashpa llankakushkata riksiami kan, nirkami. Llaktayukkunaka mana manchanachu kan, ñawpaka yawaryachik, llakichikmi karka, ninmi”.