Llankaypi shuk chapak chukririshka Chapakkunapak hampina wasipimi alliyakun

Llakta Chapakkunapak Hampina wasipak ancha unkuyta rikuna ukupimi, Sargento Primero, Vinicio Raúl Pico Lema chapak, paypak waksapi illapawan chukrichishka kashka.

Chapak runaka Machala kitimantami, 11:00 pacha tutamanta chayamukpi Dr. Carlos Estévez shinallatak Dr. Luís Vaca hampik runakuna rikukushpa, ancha unkushkata rikuna ukuman yaykuchun mañarka, kaypimi hígado yana shunku chukririshkata rikunapak yaykuchirkakuna, kayshina rikurikpimi Machala hampina wasimanta kachashka kashka.

Sargento primero de Policía, Vinicio Pilco Lema chapak, cabo segundo Santiago Lara chapakpash, llakichik runakunami 25 puncha chukrichishka kashka karka, kayshina waklliritaka shuwarunakuna chuki llukshichina 1 Mayo shuti wasi, Bella Rica llakta, Camilo Ponce Enríquez kiti, Azuay markapi shuwakukta harkaypimi kayshina llakitukushka karkakuna.

Kay Chapaypi llankak runaka Machalla llakta hampina wasipimi karka, Kaymanka El Oro markapi llakitukushkamanta kuchulla kashkamantami kayman apashka karka. Cabo segundo Santiago Lara runaka, mana achka chukririshka kashkamanta ñami llankaypi alli pakta kan.

Kay chukririshka runata Machala llaktamanta, Guayaquil llaktamanka Piper Senica antanka, Zona 8 antankapimi, capitán Santiago Arias, tawka hampik runakunawan makipurashpa apamurkakuna.

Kay shamuk 24 pachapi, hígado mana wakllirishkata rikuchikpi, nakashpaka ima nanay mana rikurikpika kay hampina wasipimi tukuy alliyankama charinka.O. Trujillo/ DNCE

TRADUCTOR SGOS LUIS ANRANGO DNCE