Kunaykuna kikinpa kasilla kawsaypak kay wata tukuri raymi punchakunapa

Ña asha punchakuna 2014 wata tukurinapak, ashka ayllukunami rantikun hatun hatuna wasikunapi; kay ruraykunamantami yanapak chapakkuna tukuy mamallaktapi llankakun punllanta wakaychishpa kasilla kawsaypak, chaymantami ashtawan mirachishka yanapak chapakkunata chikan chikan llankay wasikunapi, paykunami ña rikunalla llaktakunapi rikunkakuna maypimi ashka ayllukuna purinakunapi kaykunapi: hatun hatuna wasikunapi, armanakunapi, yaku purinakunapi shinallatak ayllukuna aparik antawakuna shayanapi.

Kay kasilla kawsaypak kanmi tukuykunapa arinishka, kay kunaykunata yuyaripanki:

• Ama sakipanki kikinpa wawakuna hapichun mana kashpa makiwanpash, pukllana (camaretas, diablillos, petardos) tukyakkunata kaykunaka llakichikkunami shinallatak mama llakitapash apaytukunkimi.

• Chikan chikan hatuna wasikunapi rantinaman llukshikushpaka, ama kunkapanki kikinpa rantishkata, kikinpa wawanti kashpaka, pushanki shuktak ayllu rikuchun wawakunata.

• Shuk ayllukuna aparik antawapi rikushpaka, alli wakichinki kikinpa charishka imaykunata, ama kunkapanki kay raymi punchakunaka mirarikami, chaymanta alli wakichipanki.

• Kikin shuktak llaktaman rikushpaka ama kunkapanki kuchuyapay UPC (Unidad de Policía Comunitaria) llankay wasi kuchullaman, mañapanki yanapayta “ayllu wasi minkayta”. Kay paktay llankayta apakunmi mamallaktapa chapak kikin kasilla kawasypak.

• Kikinpa antawapi purikushpa llakta ñankunata, kikinpa uchilla punkuta alli wishkapanki, shinallatak mama punkutapash alli wishkapanki, llaktañankunapi purikuna purinmi antawa purina ñankunapi.

Yuyaripanki alli kanapak kushikuywan alli wata tukuchinapak mana kanchu machana upiana, shinapash upiashpaka allimantalla

Kay kunaykunata katipanki chasna allita 2014 watata tukuchinkapak, nishkami Mamallaktapa chapakkuna llankanmi kikin kasilla kawsaypak.

Traductor Luis Paca /DNCE.

“kushikupanki 2015 watapi”.