Comunicamos Kichwa
Kimsa wawakuna shinallatak shuk wambra kuysata kutin hapishkami mamallaktapa chapak Manabí Markapi.
Kay ishkay rikurayay ruraykunapi Dirección Nacional Especializada para Niños, Niñas y Adolescentes (Dinapen), llankaymanta chapakkuna kutin hapishkami, chusku wawakunata Manabí markapi.
Kay awkary puncha 12 aymuray killa, 08h00 saylla pacha, Dinapen llankaymanta chapakuna kutin hapishkami shuk wambra kuysata 17 watayuk, kay wambraka chinkarishkami 18 Sitwa killa 2014 wata, paypak wasimanta Los Pozos llakta cantón Tosagua, kitypi shuk runa 36 watayukmi ña charishka huchachikunata Fiscalía paktachik llankaypi ayllukunata llullashpa apashkamanta huchachimanta.
Kay willaykunamantami, chapakkunak kutin hapishka kay kuysata, shinallatak apashkami Fiscalía de Tosagua llankay paktachik wasiman imashina kashkata willanapak shinallatak paypak mamami chaskishka shuk killka pankawan.
Manta kitypi.
Kay awki puncha 11 aymuray killa 17h00 sayllapi, Dinapen llankaymanta kutin hapishkami San Lorenzo kitylli Manta kitypi, kimsa wawakunata, yanapak chapakkuna paktachishkami Jueza Segunda de Familia, Mujer y Adolescencia de Manabí, llankaymanta ña mantashkami Dinapen llankay chapakkunata kutin hapina shinallatak tayta mamakunaman kutin tikrachinapak.
Kay chapakkunaka chayashkami shuk aylluwasiman San Lorenzo kitylliman, kay llaktapimi parlashkakuna kay wawakunapa taytawan, paymi kutin tikrachinata munashka chaymantami chapakkunaka kay wawakunapa mamawan parlashpa kutin tikrachishka killka pankawan.
Mamallaktapa chapak yuyachinmi tayta mamakunaman punchanta parlanakuchun ama kay llakikuna tiyachun /MDI /Traductor /Luis Paca /DNCE