Dinapen tantanakuyka umashka alli kawsay mashkamay rini nishpa wasimanta llukshishkatami hapishka

Kay Llaktapi Wawakuanta, Kari Warmi Wamrakunata, rikuk Chapakkuna (Dinapen) tantanakuyka shuk warmi wamra 14 wata chariktami, kay puchukay punchakuna Esmeraldas, Gómez Rendón y Maldonado kuskapi Guayaquil kitipi hapishka. Kay kuskaman munaymantami chayarka, yuyanchikmi shuk runa alli takikpi wiñarinapak kayashka yallinmi. Shuwashpa, pakashkami tukushka.

Dinapen tantanakuymanta runakunaka kay wamrapak mama willakpimi yacharkakuna, paypak ushi mana rikurikpi shustarishpami Fiscalía tantanakuyman willashka. Kay warmika chapakkunaman willashpaka nishkami kay wamraka wasillapi kashiklla purikmi karka, achka pachakunatami paypak puñuna ukupi wichkarishka kawsakkarka.

Llaktapi Chapakkunami taripanapak kallarirka, ñawinchiypika rikurkakunami antanikichik ukupika 5 shutikunawanmi killkarishka kashka, kaypika 500 mashikunatami charishka, wamrakuna mana pakta rikunalla shuyukunawan. Mamata kaymanta tapukpika paypak wamra kayshinapi Llikapankapi charishkata mana yachashkanichu nirka

Chaymantami Dinapen tantarimanta chapakkunaka kaypi killkarishka runakunata taripay kallarirka, kaypika tawka runakunawanmi kuyaymanta rimashka rikurirkapash, shinapash mana tariy usharirkachu.
Kutin hapishka
Llikapankapi rimanakuypimi kay wamraka maypi kashka willayta churarka. Wichkashkatami kashka karka. Fiscal runa chaypikashkawanmi kay wasiman yaykunapak punkuta paskarka. Pakashpa charikuk runaka manchachishpami wichkashpa sakishka karka.

Yayamama rikuranapak
Dinapen tantanakuypi llankakkunaka 10 ayllukuna taripaymantaka, 9 ayllukunami wamrakunami paykuna munaymanta wasimanta llukshishpa rishkakuna “Shinapash ñukanchikpak llankayka kayshina mañaykuna tiyakpika tukuyshina yanapay chayachinami kan”, kashnami teniente Luis Cáceres, Dinapen tantanakuymanta nirka.

Shinallatak, sicóloga Elsa Rendón warmika ninmi, wakinpika mama yayaka mana pakta yachanchu paykunapak wawakuna imashina kawsakushkata, mayman rikkashkata, mayhan mashikuna charishkata. “Paykunata wiñachiypi paktami kimirina, mayllapi purishkata yachana, mayhan paykunapak mashikuna kashkata riksina, paykunapak mashipak yana mana mayhan kashkata riksina, paykunata tukuy pacha rikuranami mutsurin” ninmi.

TRADUCTOR SGOS LUIS ANRANGO DNCE