Machana yakuta upiashpami, hatun llaki wañuy tiyashka Cuenca Kitypi.

Machana yakuta upiashpami makanakuyta charishka ishkay ayllukuna, chaymantami wañushka shuk runa pasak Inti puncha, kay runaka ashka waktaytami hapishka umapi, kay makak runataka hapishkami chapakkuna.

Kay killkashkapi rikukpika Dirección Nacional de Delitos Contra la Vida, Muertes Violentas, Desapariciones, Extorsión y Secuestros, Dinased, llankaymanta chapak willashkami, kay wañuyka tukushkami Manuel Jaime Aucay Barreto, runa  44 watayuk, shinallatak shuktak ayllu kuna wañushka, waktaywan shinallatak chukririshkawan, umapi chaymantami wañushka.

Tapuykunata rurakpika machana yakuta upiashpami, makanakushka mana kanchu shuwakuna wañuchishka, chaymantami ashlla pachakunapi hapishka kay wañuchik runataka, Dinased llankaymanta chapakkuna.

Kay llakika tukushkami 17:00 saylla, Patamarca llakta ñanpi, parque Industrial de Cuenca llankay kuchullapi, chaymanmi kuchuyashka Criminalística llankaymanta chapakkuna, hapinkapak imaykunata kay llakipi.

Machana yaku.

Dinased llankaymanta yuyachishkami, kay llaki wañuykunaka tukushkami kay ayllullaktapi machana yakuta upiashkamanta, llakita apakkuna mana kashpa mayhan ayllukunapash.

Kay pachakunapika allí yachak chapakkunami tapuykunata rurakun imamanta kay llakikuna tiyashkata, shuyakunmi chay runa llakichikta tapuykunata rurashpa ima llakita hapinkapak chay hatun llakimanta.

Azuay/ Traductor /Luis Paca /DNCE.