Comunicamos Kichwa
UPMA chapakkuna sacha wiwakunata Guayaquil llaktapi mintalakukta hapishka
Llaktapi Chapakkuna pusak sacha wiwakunatami Central, Cuatro Manzanas mintalana pampapi hapishka, kay mintanala pampakunaka Guayaquil llaktapimi kan, kayshina katihapinapika Unidad de Protección del Medio Ambiente (UPMA) tantanakuy Zona 8 llaktapi hapishka. Kay wiwakunataka runakunami sacha kawsanamanta kullkipi mintalana yuyaywan hapishka.
Kay Inti punchami Cuatro Manzanas mintalana pampa, Huancavilca – 6 de Marzo kuskapimi sakirin, kaypimi viniñas, shinallatak chusku pericos pishkukunata hapishka. Central mintalana wasipika shuk perico piskutami hapishka.
Chapak ayllukunaka 8 wiwakunatami shuk hampina wasiman aparka, kaypika shuk hampik runami imashina kashkata rikurka. Unkushka kashkata rikushpami, Centro de Rescate Narayán wasipi llankakkunaman kacharka, paykunaka Chongón kitillipimi wasita charinkuna. Chay kipami sacha kawsayman kutin kachankakuna.
Kayshinami Pachamamata rikuk kamachiy rikuchishkata paktachin, shinaka 437 niki, F killkapi kayshinami willan: “shuk sacha wiwata sacha kawsaymanta llukshichikpi, mintalakpi, hapikpi, tantachikpi, paypak makipi charikukpika, wichkashpami 1 watamanta 3 watakama kichkashpa wanachishka kanka” nishpami willachin.
Pushakkunaka 3 kitikunapi, kay Zona 8 kuskapi llaktakunapimi chaparashka kanka, kayshina llaki ama tiyachun, shinaka, Guayaquil, Durán y Samborondón llaktakunapimi chaparashun, ninmi. / Min. Interior /DNCE /M. Rojas
TRADUCTOR SGOS LUIS ANRANGO DNCE