Comunicamos Kichwa
Kawsayta chinkashka Atik chapak runa, paktachishkami yanapay shinallatak harkayta
Andrés Viterbo Freire Dueñas chapak runa, Manabí Marka Sucre kitymantami kashka, llankayta mañachikushkami Distrito El Carmen kity llaktapi, chillay puncha pakaripimi tantalla chapakkunawan, rirka hapishun nishpa shuk llakichik runata, mashkakukpika Daule Peripa yakumanmi yaykurka, chay runawan kay yakupimi wañushka
Kay rikurayay mashkaytaka rurakushkami, ñawpaman tutami shuwashka shuk hampik runata, Santa Teresa hampina wasipi, aylluwasikunami rikuchirka chapakkunaman, chaymi riksinalla runakunaka kallpashpa yaku purinaman rirkakuna, chaypimi urmashkakuna chapakkunaka katishkami mashkashpa
Yaku purikukman, ashka tamia, mapa yakupimi shuk chapak runataka apashka, mana hapi tukushkachu
Yanapak Cuerpo de Bomberos llankak runakunawan, tantallami chay wañushka Andres Freire chapak runata hapishka, paypak ayllukunami, chapakkunami, mashikunami ashkata wakashka, Distrito El Carmen llakta chapakkunapak llankay wasipimi charishka ashka llaki wakayta
Kay sinchi runaka 20 watayuk, kanchis killatami llankay kamakpi llankashka, don César Viterbo Freire shinallatak María del Carmen Dueñas runakunapak churimi kashka, paypak warmi Brigitte Ramírez Romero shitashpa sakinmi shuk warmi wawata 1 wata 7 killayukta
Tuta saylla pachami wañushka chapakpa aychataka, apashkami Bahia de Caraquez llaktaman chaypimi pampanka, chaska puncha 11 ayriwa killa 16:00 saylla pachapi, Parroquia Leonidas Proaño kikylli wañushka pampanapi
Mamallaktapak chapakka, kushkami shuk kuyayta ayllukunaman kay “Allí runa kasikawsayta” paymi sakin shuk hatun rikuyta yanapay munayta shinallatak llankana munayta chay runa rimarirka ñuka kawsayta kuni chashnakakpika. Traductor Luis Paca/ DNCE