Yachashkawan mishanakuypak killkakunata chayachikun

Ecuador llaktapak chapakkunaka, kay 2014 watapi yachaykunaman yaykunapak yachashkawan mishanakuyman kayachinmi, kayshina kayashkataka 40 niki killka Llaktapi llankayta rikuk, kayachikta paktachik kamachiypi kimirishpami willachin, kayman chayanapak munakkunaka kay killkakunatami chayachina kan:

Kikinkakta riksichik pankata, shinallatak apushitashkata riksichik pankata tullpukunapi shuyuska ishkay pankata,

Yachashkata riksichik iñik pankata ishkaykutin shuyushkata;

Riksishkata willachik iñik pankata ishkay kutin shuyushkata;

Yachashkawan llankashkata riksichik panka iñishkata, shuyushkatapash (iñishkalla);

Ñawinchishkata charishka kashpaka kay Llaktapi llankanapak, kayachina kamachiypak 39 niki killkata rikushpami riksichina kan.

Kimichishka killkakuna

Kay Ministerio del Interior llankana wasipak killkapi shuk kikin shuyuwan churana (Kay Ministerio del Interior llika pankamanta uriyachina).

Yachashkawan llankakushpaka, kamak iñishka pankata mashna pacha llankashkata willachishkata chayachina.

SENECYT tantanakuypi killkarishka yupayta shuyushpa chayachina (Sumak Yachana Wasipi kushka iñik pankata)

Mashna yachayman paktashka willachishkata iñiska pankawan riksichina.

WILLASHKA: Tukuy killka pankakunataka shuk kipita rurashpami kay Ministerio del Interior wasipak Akllana rikuk ukuman chayachina kan, Guerrero Mora wasipak, 205 niki uku, Guayaquil, Chille ñankunapimi sakirin, kayman 8H00 a 17H00 pachakunapi, 10,11, 12 punchakuna, Panchi killapi 2014 watami sakina kanki. Killka pankakuna kipishkapika achikllatami shutita, imapak mishanakuyman yaykuna munashkatami riksichina kanki. Traducción-Cbop.Luis Paca-Dnce.