Urmashkami apushkay runa chapakta wañuchisha yuyashkamanta.

Personal de la Brigada Anti Criminal (BAC)  Zona 8, llaktapi llankakuna hapishkami Eivar Alfredo F.M., 26 watayukta, chay runami illapa ayñiwan tukyachishka chapak runata rurakushkami rikurayay ruraykunata Flor de Bastión, llaktapimi harkashka ishkay runakunata shuk ayllurunata shuwasha nikukpi.

BAC. Llankaypi chapakkuna hapishkami riksinalla runata, Colinas de la Alborada, llaktapi antawakuna mayllana wasimanmi chayashka kuyukta mayllankapak, chaypimi chapakkuna hapishka.

Chay runapak hawapika shuk killaka pankami wañuchishkamanta, Abogado Luis Tapia Chacón, Juez Penal de la Unidad de Delitos Flagrantes de Guayaquil llankay kamakmanta, chaymantami chay chapak runaka chukririshka ashka sayllakunata Guayaquil llakta chapakkuna hampirina wasipi, allita hampishka washaka ña kachashkallami.

Ña nishka.

Kay hapishka runaka ishkay hapishka kunatami charin, kallaripika 2004 watapi wanachishkami rikukuypi huchamanta, shinallatak 2009 wataka rikukuypi shuwaymanta, ashtawanka killka kamak hapichina Juzgado Séptimo de lo Penal de la Unidad de Delitos Flagrantes de Guayaquil llakta llankaymanta.

Kay chukrirshka chapakka willashkami yanapak chapakkunaka kay llakichik llankaytami charin, paypak munayka kanmi allí kawsayta charichun Ecuador Mamallaktapi kawsakuna.

MDI/ Traductor/ Luis Paca/ DNCE.