Umachinkachikta mashka Chapakkuna mana iñik 63.000 dólares pankata tarishka

Shuk kipi mana iñik 63.000 dólares panka kullki shinashka llaktapi tawka willachiy apakkunapak wasipi kachana munakuktami hapishka. Kayshina tarinataka Azuay markapimi Llaktapi chapakkuna riksishpa hapishkakuna. Makiwan rurashka sukta kurutata mashkakpika, ishkaypi rakishpa wakichinatami charishka kaypimi 630 kullki panka 100 dólares yupaywan charikushka, taukuymi kayshina yupay pankakuna kashka, kayka Nueva York kiti, Estados Unidos llaktamanmi rinapak shuyakushka, Kaykutinka, Llaktapi chapakkunaka pikunatak kayshina minkayta kachakushkatami taripakun, shinallatak pikuna chaskinapak shuyakushkatami riksinapak shuyakun, shinallatak ñawpa pachakunapi riksishkawan tinkichinkapak

Hapishka

Kay wata kallarishkamanta minkayta apakkunapak wasipi ñami ishkay kutin mana iñik kullkita tarishka. Yallik kullka killapika 10.000 dólares mana iñik kullkitami tarirka, kay kullkipash Estados Unidos llaktamanmi rinapak shuyakushka karka. Azuay markapi tukuy tarishkata rikukpika ñami 73.000 mana iñik kullkita hapishkakuna

Kayshina hapishka kullkika 2013 watapi hapishkata yallinmi, kay yallik wataka 18.000 mana iñik kullkitami minkay apana wasikunapi, llaktayukkunapipash charikukta tarirkakuna

Taripaypika rikurishkami kayshina mana iñik kullkita rurayka mana kay llaktapi paktakunchu, shuk 100 dólar mana iñik kullkika 10, 20 dólar kullkipimi katuk kashka, chaymantami tukuy llaktayukkunaka chaparachun mañan kayshina pantashka kullki ñukanchikpak llakta mintalaypi ama yaykuchun

Traductor: Sgos Luis Anrango