Paktana.

Llaktapi Chapak wasika, llaktayukkuna, Awkakuna, Yachakkuna, Pushakkunawan, pakta yuyaywan, akllashka yachaywan llanka runakunami kan, paykuna paktanaka llaktayuk alli kawsayta sumaychashpa pakta kawsay charinapak, llaktayukpak hayñikuna paktachiyta rikunapak, kawshiklla llakta ukupi kawsanapak llankaymi kan.

Rikushka

2017 watapakka, mama llaktapi, suyu llaktapipash riksishka sumaychaka llankak, llaktayukkunata rikushpa, sumak kawsayta paktachun yanapashpa llankak wasikanapakmi llankakunchik, shinallatak ñukanchikpak llankayka Runapak kawsayta kacharishpa rimaytapash riksikmi kan.

Chanikuna

Ñukanchik yachashkawan llankayka pakta pakta shunkuwan yuyaywan llankaymi, shinallatak kallari yuyaykunata chimpapurashpa llankak kashkamantami kaypi kimirishka ayllukunaka kikinmanta kawsanapak chanikunata charichun yanapan, shinallatak yachashkawan llankachun, kikin kawsaypipash paktakachunmi kayachin.

Kayshina kawsanapak chanikunataa wasi ayllupi, yachana wasipimi riksishpa chaskishka kana kan, shinapsh chapak kanapak yachaypipash riksishpa, mana yachana wasi ukupi rimashkatalla uyashpa ashtawankarin ñukanchikta pushakkuna pakta kawsayta rikushpa, katishpami sinchiyachinkuna.

Chaymantami chanikunata riksinaka anchata mutsurin, ñukanchik pakta kawsayta sinchiyachin, shinallatak ñukanchik uku shunkumanta munashpa yachashkamantami chapak runakashkata rikuchinchik.

Chapak runakanapak akllarishka llankayka ñukanchik munaymanta llaktayukta yanapana yuyay tiyashkamantami riksichin, shinallatak llaktayuk llaki charishpa, llaktayuk atirinakukpi, llakta riksinapak mutsushpaka ñukanchikpakman shamuy ushanmi, ñukanchikka pakta yanapayta chayachishunllami.

Chaymantami, Ñukanchikka pakta kawsayta charik, sumaychak, achiklla kawsayta charik, atirik, sinchita llankak, llaktayukta yanapana munay charik runakunachu kanchik nishpa tariparina kanchik.