“Sinchiyay 235” llankaywan chikanyachishkami tantanakushka llakichikunata.

Mamallaktapa chapakkuna, Fiscalía General, llankaywan wankurishpa hapishkami allí tapuykunata ruranapa 13 runakunata paykunamanta10 chapakkuna, 2 mana chapakkunata, shinallatak shuk comisario mashi pushakta, “Sinchiyay 235” llankaywan, ña paktachishkami kay kullka puncha kapak killa, kay Ventanas kity Los Ríos markapi.

Chapakkunata pushak, General Inspector Ramiro Mantilla, mashi rikuchishkami kay wayru killapi, ña chaskishkami shuk huchachita llullashpa shuwashkamanta, kay llankaywan chaskishkami chikan chikan imaykunata kay tantanakushka llakichikunata.

“Kay mana chapak runakuna hapishkakuna kay Ventanas llaktapi rikuchikmi kashka, kullkikunata asha wawakullkita chaskinapak kay kullita ña kunapa kayashpa, ña utka chayashkami kay mana allí chapakkuna, paykunami hapiktukushpa shinallatak manchachishpa shuwakashka, kay runakunata mañakmi kashka 15 shinallatak 30 mil dólares kullkita, kay huchachimanta.

El General Mantilla rimarishkami kay llankayka tantachinmi, shuktak llankaykunata, ña rurashkami ñawpakman, kay llankay katikunapi  Ministerio del Interior llankaymanta mana llakikuna tiyachun, “Mana sakishunchu kay Mamallaktapa chapakkunapa ukupi ima llakikunata, mana kishpichishunchu kay mana allí chapakkuna kamachikmanta,  llankay kamakmanta llukshikkuna, nishkami

Rimarishkami kay 2013 watamanta kay pachakama chikanyachishkami 965 mana allí chapakkunata, chikan chikan imaykunamanta, shinallatak kay watapi 61 chapakkunata llakichishpa pakishkami kay Ecuador Mamallaktapa yanapay shinallatak haykayta.

Kay chapakkunata pushak rimarishkami mamllaktapa  ayllukuna mañaykunata, Mamallaktapa Chapakkuna  wankurichun, “Ashallami mana allí chapakkuna, paykuna hawami allí tapuykunata rurashun tukuy mañaykunamanta, tukuymanta charinapak shuk allí chapakta shunkuta kuk ima llakikuna mana charikta mamallakta kaytami mañan nishkami.

Rimarishkami  katishunmi llakichikunata harkashpa ima llankaykunapi ashtawankarin kay llankay kamakpi, shinallatak rimarishkami Policía Judicial en Ventanas llankaypi ña churashkami shuktak mashi chapakkunata, llankaykunawan katichun ayllukunata yanapashpa.

El Ministro del Interior, César Navas, mashi pushak malaya nishkami kay llakichipi kashka yanapak chapakkuna; rimarishkami kaymi kan Mamallakpa pushak harkana punchanta ima llakikunata rurakkunata, “Ña shamunmi llankashpa kay ministerio llankaypi, kallarimanta achiklla llankayta, allí llankay katikunawan, tukuymantaka sinchita rikuchishpa chipa purankapa imaykunata, nishkami.

Rimarishkami kay tapuykunata rurankami ishkay killakunata, kaypimi chusku llankaymanta Policía Judicial, Dinased, Dinapen y Policía Comunitaria llankaymanta chapakkuna, paykunami shuk tantanakuy llakichikunamanta.

Kay mamallaktapi llankak willashkami kay sinchiyay 235 llankayta paktachishkami kay tutamanta 6 kapak killa kay Ventanas, Quito shinallatak Guayaquil, kitykunapi charishka llakichikunata, shinallatak charishkami 3 llankay wasikunapi yaykuyta, Judicial y Unidad de Policía Comunitaria de Ventanas llankay wasikunapi, shinallatak ishkay ayllu wasikunapi.

Kay imaykunamanta kaykunami illapa hayñikuna mamallakta llankaymanta  runakunapa churanakuna, kaykunawanmi llakichishka, yanapak chapakkunapakmi kashka,

Kay llankaykunawan Mamallaktapa chapakkuna ashtawan katinkami harkashpa tukuy llakichikunata, harkashpa Ecuador mamallaktapa kasilla kawsaypa.  /M. Rojas /Traductor/Luis Paca/DNCE