Conectate con nosotros

Comunicamos Kichwa

Shuk chapak chukririshkami Deportivo Quevedo y Liga Portoviejo pukllaykunapi.

Publicada

en

Quevedo Kitypimi.- shuk chapak ñawi chukririshka, rumiwanmi shitashka, pasak Inti punchami hatun pukllana pampapi pukllay tiyashka, Siete de Octubre de Quevedo pukllana pampapi.    

Shuk kutiwanmi tiyashka llakichikuna, hatun pukllana pampapi ishkantik pukllakkunamanta kaparikkuna, kay llankay katikpika Campeonato Nacional de Fútbol, serie” B” pukllaymantami, chaypimi Deportivo Quevedo pukllakkuna chaskishka pukllana pampapi  Liga de Portoviejo pukllakkunata.

Kay willaykuna paktanmi, Sargento de Policía, Jorge Lenin Zapata Benavides, chapakmi chay hatun pukllana pampapi llankakushka, chaypimi harkakushka ama makanakuyta shitakushkami kaspikunata, pukpukunata, chaymi urmashka shuk rumi paypak aychaman.

Kay sinchi waktayka muspachishkami kay chapaktaka, ñawita hapishpami urmashka, Grupo Operaciones Motorizados (GOM), llankaymantami kashka, kayshuk mashikunami apashka hampina wasiman, kipataka apashkami Hospital de la Policía en Guayaquil hampina wasiman.

Ishkayta hapishka.

Kay hatun pukllana pampapika llankaywan katishkami, chaymi rikushka ishkay runakunami kallpashpa rishka rumikunata shitashka washa, kayshuk kaparikkunapakman, kay hapishkakunanka.

Chapakkunapak killkakamakpika rikurinmi Jimmy B.B. killkashkami shuwashkamnta, shinallatak mana paktachimanta, mana shirayta charinamanta.

 Mana sakishunchu.
Distrito Quevedo, Teniente  Coronel Telmo Erazo, kipa pushakka willashkami chapakunaka yanapashkami rikurayay ruraykunata kanllakunapi pukllana ukupi chashnapash llakikuna tiyashka.

Ashtawan willashkami Llankay kamak chapakkunapaka mana sakinkachu kaparikuna makanakuchun, hatun pukllaykunata pakichun, chay hatun rikuymanka rinkunami ayllukuna wawakuna allí rikunkapak.

 Ministerio del Interior /Traductor /Luis Paca/ DNCE.

Click para comentar

Deja una Respuesta

Tu dirección de correo electrónico no será publicada. Los campos obligatorios están marcados con *

Tendencia