Santo Domingo Markapi kallarichishka alli rikuna llankaykuna.

Subzona Santo Domingo de los Tsáchilas Markapi apuk pushakkunami awkarik punlla 24 Raymi killa, kallarichishkami “Feria de Servicios Policiales” shutiwan kaywanka mashkanmi, rikuchinapak allí yanapaykunata charin llankaykamak chapakkunapak, shinallatak paykunapak ayllukunapak,

Subzona llaktata pushak Coronel Pablo Aguirre, allí shamushka nishkami yanapak chapakkuna kay yanapay rikuykunaka kanmi: Cesantía, Instituto de Seguridad Social (ISSPOL); Dirección Nacional de Comunicación Estratégica (DNCE); Bienestar Social, Educación, Inspectoría General, Dirección General de Personal y Cooperativa Policía Nacional. Chapakkunapak allí llankaykuna ashtawankarin rikuchishkami, yanapak runakuna rikuchun chikan chikan  yanapaykunata charin llankaykamak ruraykatinmi yanapaykunawan.

Kay allí yanapak  rikunawanka chapakkunaka tapuytukunmi kullki mañachikkunata mana kashpa shuti riksichikta kutin mañaytukunmi ashtawan allí ruraykunata, ima mañaykunapi chashna allí wiñarichun.

Yanapak chapakkunaka kuchuyashkami paykunapak ayllukunawan, rikuchishkami ashka kushikuyta may allí yanapaykunata kushkamanta chikan chikan yanapay chapakkunapak. cabo primero César Vernaza, llankanmi shuk llakta UPC wasipi pay mashika nishkami allimi ñukanchik tantanakuyman shamushkamanta, ñukami charini shuk kullki mañachita Cesantia kullki mañachi wasipi, tapushkami mashnata kutin tikrachinata, mana pachakunata charishka Quito Kityman rinapak.

Kay allí rikunapika chapak runakunaka ashtawan yachaytukunmi kullki mañachita ISSPOL, Cesantía, wasikuna ruraykatik tukuy Mamallaktapi, Inspectoría General llankay charinmi killka tapuykunata, shuktak tapuykunata llankaykamakpi

Traductor /Luis Paca /DNCE.