Conectate con nosotros

Comunicamos Kichwa

Ña rikushkami shuwashka wakichinata, kutin hapishkami kuyuk shuwashkata.

Publicada

en

Mamallaktapak chapak kutin hapishkami ishkay kuyukkunata, shinallatak shitashpami rishka mana riksishka runakuna, Playa Grande llakta, Nicolás Infante Díaz Kityllipi.

Kay ruraykunaka tukushkami ayllukuna karu uyarikman kayashpa chapakkunaman willakpi kay riksishka ´El Hueco´ llaktapi, kaypimi shuk wasi shitashka tiyashka kanchis watakunata, shinallatak chaypimi shuwashkata, wakichikkuna kashka, kay wasipimi illapa ayñiwan tukyachishpa manchachikushka.

Chaymantami utka rikurayay ruraykunata rurashka chapakkuna, ña Décima Primera Playa Grande llakta ñanman chayashpaka, mana hapishkachu kay wasipi kawsakkunaka ñami llukshipa rishkakuna chay wasipika rikushkami ishkay samarina ukuta.

Kay ukupimi hapishka ishkay Suzuki kuyukunata, shuwashkami yachin mana charishkachu killka pankakunata, kay kuyukkunataka, chaymantami apashka Policía Judicial wakichina wasiman, tapuykunata rurankapak.

Kay willaykunapika chapakkunaka rikuchishkami shuk  HH-680-W kuyukka  ñami shuwashka nishpa huchachishka, kipa kuyukka yupaykunami shuktak kashka, chaymi mana yacharin may llaktamanta kashkata.

El mayor Guillermo Salas, jefe  del Distrito Quevedo, kipa pushak llankaymanta rikuchishkami kay kuyukkunata kutin hapishkami, shuk rikurayay ruraykunata. Mamallakta chapakkuna, mayhankuna kamachiykunata pakikunata mana kashpa kamachiyta paktachichun, chaymantami ayllukunaka antawakunata charishpa killkachishka pankata charina kan, ashtawankarin kikinpak antawata, kuyukta shuwakpika, utkami huchachita churana kanki, mashkashpa hapinkapak manarak ima llakikunata kamachiyta pakikpi. Willashkami kay mashi pushak.

Min. Interior /Traductor /Luis Paca /DNCE.

Click para comentar

Deja una Respuesta

Tu dirección de correo electrónico no será publicada. Los campos obligatorios están marcados con *

Tendencia