Comunicamos Kichwa
Ministro Serrano shinallatak General Tamayo runakuna chapak runakunata yuyarina raymiman chayarka.
Llakta ukuta rikuk, José Serrano, Chapakkunata pushak Comandante, Inspector Fausto Tamayo runa, chapakkunata pushakpashmi, kay yallik punchakuna Lago Agrio-Quito ñan, Reventador urku, Lumbaquí kitipi kullki apak antawa salchakkunata hapishkamanta riksirik raymiman chayarka.
Riksirishpa tantanakuy chawpi puncha mikuypimi, ministro Serrano runaka tukuy chapak runakunamana napayta chayachirka. “Llaktapak yanapayta charinkichikmi, shinallatak Llakta pushakpash yanapakunmi; Llaktapi Chapakkunapak llankayta kari warmi ayllukunapak llankaywan sinchiyachinatami mashkakunchik” nirkami. Shinallatak, chapak runakunaka mana kikinlla kankichikchu. “Shuwashpa llakichik runakuna, uyaychik, shuk chapak runata wakllichinapak mashkakushpaka llaktatami wakllichinata mashkakunkichik, ñukatakmi ñawpakman shuyakusha” nirkami
Hatun pushakka nirkami, chapakkuna pakta llankashkataka llakta pushakmi rikurakun, kayshina llankaypi rikuchishkawanka Chapakkuna pakta yachaywan llankay charishkatami rikuchin, shinallatak llakichikkunata paktami katihapishu, nirkami. “Achkami llankana illan, shinapash kayshina katihapishkawanka chapakkuna yachaywan llankakushkatami rikushkanchik” nirkami.
Puchukaypika nirkami, chapak runakunapak kawsayta, paykunapak ayllukunatapash rikuranapak yanapaytami kallarichun churashkani, kayshina llakichik runakuna ama wakllichichun, nirkami-
TRADUCTOR SGOS LUIS ANRANGO DNCE