Mamallaktapak chapak kutincharishka pakashka wawata Perú, Tumbes Mamallaktamanta

Mamallaktapak chapak Dirección Nacional de Delitos Contra la Vida, Muertes Violentas, Desaparición, Extorsión y Secuestros (Dinased), llankaykamakwan wankurishpa kutincharishka, shuk warmi wawa iskun killayukta pakallami apashka Perú, Tumbes Mamallaktamanta hapishkami El Oro, Marka chaluw wiñachina ukupi, chaypimi ishkay runakunata hapishka kay wawata pakashkamanta, kay wawataka tikrachishkami tayta mamaman

Shirley Mariuxi S.M. wawa, iskun killayuk ñami yachan imashina pakalla apakta, 21 puncha Pawkar killami tayta mama huchachirka, Perú Tumbes Mamallaktamanta chay wawa chinkarishkamanta, tayta mamaka willarkami kay uchilla wawataka hampichikushkami shuk hampina wasipi, chaypimi chinkarishka

Chay pachamantami mashkayta kallarishka, Perú Mamallaktapi chay llaktapak chapak mañashkami yanapayta Ecuador Mamallaktapak chapakkunata, mashkankapak wawta shinallatak apakkunata, El Oro Markapi llankak chapakkunami Dinapen shinallatak Dinased llankaykamak tantallami rikurayay ruraykunata rurarkakuna

Ecuador Mamallaktapak llankak yuyaysapa chapakkunami, tapuykunata rurashpa hapishka shuk willayta, kay wawata maypi charikukta, shuk runakunami rikurka ishkay ayllukuna shuk wawata charikurka chaluwa wiñachina aylluwasipi

Chaymi chapakkunaka rirkakuna ishkay wampukpi, yanapashkami Ecuador Mamallaktapak yakuta purikkuna, chaluwata chariyukpish yanapashkami, chayman chayakrichun chaypimi hapishka Terry Wanderley shinallatak Andrea Maribi I.M. uchilla wawanti

Chay mamapash tantallami rikurayay ruraypi karka, wakashpami riksishka paypak wawata, astawankarin kushikushkami hapishkamanta, chay pakalla apak runakunataka, ñukanchik kuchulla Mamallaktapak chapakpak makipimi churarka Traductor Luis Paca DNCE