Mamallaktapa chapak Los Ríos llaktapi mañashkami kimsa illapa ayñikunata.

Los Ríos Markapi chapakkuna rikurayay ruraykunapi, kay hunkay punllakunapi, kichushkami kimsa illapa ayñikunata chikan chikan llankaykunapi.

Kay kallari ruraypika Inty tutamanta, Marcos Quintana, Octava shinallatak June Guzmán, llakta ñanpi, Quevedo kitypi, kaypimi hapishka Carlos C.V.  20 wata shinallatak Daniel C.R. 19 watayuk, kay runakunatami hapishka chapakkuna shuk revólver illapa ayñi, shuk muyu mana tukyashka kay illapa ayñipi.

Kay runakunaka purikushkami shuk Yamaha blanca DT-175 yurak kuyuk shinallatak HZ950 riksichikpi, rikuypika kay kuyukwanmi llakichik kashka, kay kuyuktaka apashkami Policía Judicial llankay wasiman, hapishka runakunaka paktachipa wasiman, chaypimi wishkachishka tapuykunata rurankapak.

Pueblo Viejo Kitypi.

Ishkaypi llankayka tukushkami Inty chawpi punlla Pueblo viejo kitypi, kaypimi hapishka sukta runakunata kay shutikunawan: Alexander Rodolfo C.T., Christian Isaac C. C., Juan Alberto Z.C., Miguel Ángel C. A., Washington Hugo V. P., y Vicente Enrique L. R. runakunata.

Paykunaka purikushkami shuk Chevrolet Optra  antawapi GOS-519 riksichikpi, hacienda Barraganete llankay wasi, kuchullapi riksinalla runakuna chay antawa ukupi purikushka, mashkaykunata rurakpi, hapishkami shuk illapa ayñi muyunti, shinallatak kimsa muyu wakichinakuna, kayta rikukpika kashkami pistola 9 milímetros illapa ayñi.

Vinces kitypi:

Vinces Kitypika, hapishkami Henry Iván B.G runa.,  28 watayukta, shuk revolver illapa ayñi yana tullpu, ishkay muyukuna mana tukyashka, shuk karu uyarik, kay llankayka tukushkami Inty puncha 16h00 sayllapacha.

Min. Interior /Traductor /Luis Paca /DNCE.