Comunicamos Kichwa
Llankay katinmi chapakkunapak rikurayay ruraykuna Ecuador-Francia Mamapacha pukllaypi.
Mamallaktapak chapak Zona 9 Distrito Metropolitano de Quito (DMQ), llankay kunawan 07:00 sayllamanta, kunan chillay punlla 25 Raymi killa, rurankami rikurayay ruraykunata harkaykunata Ecuador Mamallakta akllashkakuna pukllaypi.
Kay llankaytaka charinkami chikan chikan DMQ llaktakunapi kaywanka harkashunmi allí kawsaypak ayllukuna rikuchun, kay llankayka manarak kallaripi, ña kallaripi shinallatak tukurishka washa kay pukllaypi.
Kay llankaypaka, coronel Ramiro Mantilla chapakkunata pushak Zona 9 llaktapi llankak, mantashkami 600 chapakkunata. Kay mashikunaka kankami chikan chikan rikunakunapi maypi ashka runakuna tantanakuypi Ecuador-Francia pukllaypi, Cruz del Papa del parque La Carolina, Centro Comercial El Recreo, Plaza Foch, Feria Inclusiva Artesanal y Plaza del Teatro. Rikuykunapi
Kay wasikuna rikunapika chaypimi kanka Servicio Urbano, Policía de Turismo, Policía Judicial, Dinapen, Unidad de Equitación y Remonta (UER), UMO y Centro Regional de Adiestramiento Canino (Crac). Ashtawankari charinmi ima hatun llakikunapak GOE y GIR llankak chapakkuna, utka kuchuyachun llaktakuna mañashkaman, shinallatak wankurinkami shuktak yanapakkuna.
Mamallaktapak chapak mañanmi ayllullaktakunata kay pukllayta rikuchun kasilla, ashallata upiachun kushikuyta charichun kay Mamapacha pukllaypi charinami kanchik kasikayta ‘Ecuador es un hincha de paz’ shutiwan.
Chapakkunapak llankay mirarinkami maypi ministishka kama, yuyaripanki ima llaki hapikpika kayapanki 911 karu uyarikman, yanapayta mañashpaka yaykupanki shuk Unidad de Policía Comunitaria (UPC) wasikuna kuchullaman.
Traductor /Luis Paca /DNCE.