Llaktapi pakta kawsayta karak Sangento Chapakpak kawsayta riksichiy

Kay Llaktapi chapak Sargento Primero Rodrigo Amable Alquinga Concha, Ecuador llaktapak Chapakkunapi Grupo de Intervención y Rescate (GIR) tantanakuypi llankak runaka, kay Grupo de Intervención y Rescate GIR tantanakuypak kanchis niki yachaymanta llukshishkami karka. Llakta pushakkunata chaparanapimi yacharka, chaymantami yallik watamantaka Petroecuador tantanakuyta pushakkunata chapashpa llankakurka

Paywan llankak mashikunaka wañushkamanta wakakunmi, sargento runaka paypak llankaypi pakta riksirishpa llankakmi karka

2004 watapika, Av. Amazonas y Eloy Alfaro ñankunapi sakirik Petroecuador punkara katunapi illapawan makanakuypimi karka, kay makanakuypipash shuk chapakmi wañurka. Chay punchaka Sargento alli pakta ukllaywan paypak mashipak kawsayta kishpichirka

Rodrigo Alquinga runaka 20 watatami kay llankaypi karka, paypak kawsayta riksichik pankapika tawka riksirishka pankakunatami rikurin, kayshinakuna

• Llakichik runakunata hapinapak pakta yachak
• “Retorno” shuti salchaypi kashkamanta

yachaykuna charishka

• Chapakkuna Sachapi llankayta V niki yachay, Colombia llaktapi 2008 wata
• XVI Uma chinkachinata Ista llaktakunapi rikunapak “Garras de valor” yachayta Santa Cruz – Bolivia llaktapi, 2008 wata yachay

Sargento runaka Illapawan tukyachinapak yachachikmi karka, chusku wawakunatami shitashpa sakin

Kay 14 puncha pawkar killami paypak mashikunaman shuk killkata chayachirka, paypak zirma pankapi rimakushpa, kay willayka mashikunapak ancha yuyarinami sakirin

Pay comando Alquinga Concha, kay ashalla punchakunami shuktak riksirishkata chaskirka, paypak mashikuna yachayman yaykunapak kallarikpi shuk willayta chayachirka. Kay willaymi paypak mashkunamanka puchukay willay chayashka, kaytami Ministo Serrano pushak willarika, killkapika nishkami

“Ñuka wiñaytami comandos runakunata yanapani, kayshina llankayta riksirina, kuyarina shinallatak ñanpi llankak chapakkunata mana piñashpa, mana llakichishpami chanita chayachina kan, allimi rikurin ñuka mashikuna pakta yuyaywan yachanaman rinkuna, shinallatak paykuna yachashkata karanami kan, kuyaywan”

Kay ashalla killkapi yuyayka paypak pakta munaywan, llankayta kuyaywan, alli shunku yachaywan llankak runa kashkata riksichin. “Atirik, sinchi shunkuwan llankak kashpami, llaktayukta kishpichinaman chayarka, mashikuna llankaypi katichunmi riksichishpa sakin, kayshina llakichikkunawan chimpapura sinchita makanakushka katikchun”, ninmi, kashnami Ministro Serrano pushakka rimarirka

Chapak runaka pay arinishkatami paktachin

Llaktapi Chapak Comandante, Rodrigo Suarez pushakka ashalla shinapash yuyarinata rimashpa nirkami, kay runaka paypak llankayta, pay arinishkatami Ecuador llakta chapak llankayman yaykushkamanta paktachishka, nirkami

“Kaymi Llaktapi Chapakkuna llankaywa yawarta hichashpa llaktayukta kishpichinapak, Ecuador ayllununata ukllanapak karashka”, nirkami, general runaka sargento mashi Alquinga wasi ayllukunaman nanarita chayachirka, shinallatak kawshun ayllu kay makanakuypak wañuk wasi ayllumanpash nanarita chayachirka

Paypak shutipi yuyarina wasitaka Gir tantanakuypak wasi, Pusquí kitipimi paypak mashikuna allichirka, llakipi urmashka runa, kunanka Chapak Atirik runami kan. Apunchikman mañayka kunan kulla puncha, 10:30 tutamantami paktanka. Llaktapi chapayta pushakkunami chayamunka, ministro Serrano, Viceministro de Seguridad Interna shinallatak llaktapi llankana wasita pushakkunapashmi chayamunka.

TRADUCTOR. SGOS LUIS ANRANGO DNCE