Kitikunapi llakichiy, Ushayta pakta chayachinata riksiy Guayaquil llaktapi kallarirka

Llakta Chapakkunapak, shinallatak 5, 8 suyu llakta Kamak Chapakkunapak Runakawsay hayñita yachakkunami kunanmanta kay kulla 29 puncha aymuray killakama “Kitikunapi llakichiy, Ushayta pakta chayachiynata riksiy I niki rimanakuy” paktanka, Kay rimanakuypika: Kitikunapi llakichik tantarikunata mashkana, llakichik wamrakunata rikuna, umachinkachina wamrakuna chayanamanta, wakllirinalla ayllukunata yanapanatami rimanakunkakuna.

Ista llaktamanta Cruz Roja tantanakuymi ña chunka watakuna yallita Runakunapak Kawsaymanta yachachishpa shamunkuna. Kay tantanakuyta pushak, Giorgio Negro runaka, kayshina yachaykunaka chapakkunapak alli llankachunmi yanapan ninmi, kamachiyta mana riksishkamantami llakichiypi urmanchik ninmi.

Yachay kallaripika, Kamak Chapakkunata 8 niki Suyu llaktapi pushak, Coronel Enrique Suárez chapakka, mushuk llankaypika “kay 2010-2014 watakuna llankanapak mushukyachishka llankaykuna rikuchishkapika, ishkay mashkaymi riksirin, mamakamachiy rikurishkata paktana, sumak kawsayta mashkana, kaypi yanapankapakka yachaytami sinchiyachina kan, chapakkuna yachayta mirachishpa. Chaymantami chapak runakuna ayllukunata pakta yanapankapak allita yachana kan”, nirkami

Shinallatak, Llakta Chapakkuna Rakishka alli yachana wasita pushak, Crnl. Ivonne Daza Anchundia, Llakta Chapakkunapak llankayka, runakuna pakta kawsay haynita riksik yachachik tantanakuy charinapakmi llankakunchik, kayshina mashkaypika tukuyshina mushukyay, antanikichiykunapi llankaywanmi llakta pakta kawsachunka llankakunchik, nirkami.

Kallari puncha yachayta puchukaypika, sargento Raúl Ponce chapakka kasyshina awaki punchapi mushuk yaychaykunawan kushillami kani, “Punchanta kawsakushka rikuykunatami riksichirka, imashinalla kay llakikuna chimpapuranamanta shinallatak kay runakunapak kawsayta sumaychankapak imashinalla llankay paktarinamanta”, nirkami. / Min. Interior /DNCE /M. Rojas

TRADUCTOR SGOS LUIS ANRANGO DNCE