Kimsa runakunata hapishka hatuna wasikunamanta shuwashkamanta

Chapakkunapa rikurayay ruraywan harkashpa hapishkami kimsa runakunata paykunaka hatuna wasimantami shuwashka, Calderón y Carapungo llaktakunapi, ishkay tanta hatuna wasimanta, shuk atallpa mikuna hatuna wasimanta, shuwashkami kay runakunamanta, chapakkunapa utka llankaywanmi hapishka, ña shuk placas IC578G puka tullpu kuyukpi kallpakukta.

Chikan chikan yanapay mañaymanta kay anki uyarikpi, ña yachashkami imashina kashkata kay runakunata, paykunaka purikushkami shuk kuyukpi asha chinikupimi ña shuwashka kimsa hatuna wasikunata, shuk (revolver), illapa ayñiwan, kay chapakkunapa utka llankaywan Brigada Anti Criminal (BAC), llankaywan wankurishpa ña hapishka Av. Padre Luís Vacari y Río Villorita llakta ñanpi.

Kay hapishka runakunapa shuti Augusto V., Edison Ch., ña charishkami paypak shuti killkashkata illapa ayñita charikushkamanta shinallatak shuwashkamanta, shinallatak sun wambra muzu Kevin R., paykunatami huchachishka llakichishpa shuwashkamanta chaymantami ña apashka Unidad de Flagrancia, llankay wasiman, shinallatak kay llakichishka mashikunaka rishkakunami huchachi killkata churanaman ña riksishkami kay llakichik runakunata.

MV/P5-Calderón/Traductor Luis Paca/DNCE.