Kay Zona 8 kuskapi umachinkachiymanta rimanakuy kallarin

Chapakkunapak hatun wasi ukupimi, “Prevención Policial” yachay kallarirka, kaymanka Chapakkunami 12 rakishka kay Zona 8 kuskapi llankak 60 chapakkunami chayamurka, kay yachayka 9 punchakamami kay killapi paktanka, 08:00 tutamanta kallarishpa 17:00 pachami puchukanka.

Kay yachaypika, umachinkachinata charikuk runakunata hapishpa imashina willachik killka runanamanta rimanakunka, shinallatak kay willachiykunapi kay runakunata huchachikpika wakin mitsak kamak runakunaka paykunapak Runa Kawsayta wakllichishka nishpa huchachiy kallarinkuna, chayta imashinalla pakta willachinatami yachankakuna.

Kay yachaymanka Dirección Regional del CONSEP, Procuraduría, Fiscalía tantanakuymantami yachachinaman chayamunkakuna. Kay rimanakuypika rikunkami: Kunan pachakunapi imashina ayllukuna umachinkachiywan wakllirishka, umachinkachinata Llakta Chapakkuna harkanamanta, kay ruraykunaka Llakta pushak apukpak makipimi kan.

Kay Consep tantanakuymanta, Dr. Ricardo Loor Solórzano yachachikka Llikapankapi yanaparishpami yachachirka, kaypimi imashinalla kanchik llankak wasikuna Chapakkunawan makipurashpa llankanata riksichik, kaypimi imashinalla paykunapak paktashkapi llankanata riksichik, kayshina llankay paktakushkataka Consep tantanakuymi rikurana kan, nakashpaka Llakta pushakmi rikurana kan, ninmi.

Yachana puchukakpika, yachakukkunami paykunapak llankana ukupi yachachinaman rinkakuna, kayshina umachinkachinata chimpapuranaka tukuykunapak pakta llankaymi kan, kay umachinkachinaka llaktayuk pakta kawsayta ancha wakllichikuk kashkamanta.

TRADUCTOR SGOS LUIS ANRANGO DNCE