Conectate con nosotros

Comunicamos Kichwa

“Ilusiones” Shutiy mashkaymi Runa ayllukunata llakichik tantanakuyta hapishka

Publicada

en

Llaktapi Chapakkuna Tantanakuyta pushak, Ista llakta ayllukuna rikuk Tantanakuy, Fiscalía kamak ayllukunawan makipurashpami “Ilusiones” shuti mashkaypi, Pichincha, Guayas, El Oro markakunapi chay pachallatak llankashpa, chaska tuta, wacha puncha achikyaypimi, runa ayllukunata ista llaktaman kachashpa llakichik tantanakuy Ecuador, shuktak llakta ayllukunata hapirka.

Kay Grupo de Intervención y Rescate (GIR), Grupo de Operaciones Especiales (GOE), Criminalística shinallatak Policía Judicial tantariwan makipurashpami Guayas markapi 10 yalli wasikunaman, Pichincha markapi 4 wasikunaman, Huaquillas kitipi 5 wasiman yaykurishka.

Kayshina yaykuritaka puñuna wasikuna, kawsana wasikunashina tiyashpa ista llakta ayllukunata pakashpa charikuktami hapishka, kaypika llakitami ayllukunaka kawsakushka. Runakunapak pakta kawsayta sumaychashpami Istallaktamanta rikuk tantanakuypi 80% Frances shimita rimakkuna, kamakkuna, Antanikichikta yachakkunami kaypi kawsakuk ayllukuna may llaktamanta kashkata rikunaman chayarkakuna. Kaypika Haití llaktamanta ayllukunami achka kashka karka, paykunamanka kikin shimipimi Ecuador llaktapi kawsanapak mutsurishka pankakunata charinami kan, nishpa riksichirkakuna.

Kay wacha 9 punchakamami Haití, Colombia llaktamanta ayllukunata hapishpa Centro de Acogida Temporal “Hotel Carrión”, Quito llaktapi wasiman apamurka, wakinkuna mana pakta killkata charikpi, wakinkunaka mana pakta kay llaktaman yaykushkamantapash hapirkakuna.

Kay Ista llaktamanta shamuk ayllukunata rikunapak Tantanakuy Ministerio del Interior, César Salvador wasipi pushakka, imamanta hapishkata willachishpa nirkami: “Istallaktamanta ayllukunataka ñukanchik llaktaman yaykunapak mana pakta killkakunata charishkamantami hapishkamchik. Ecuador llaktaman shamukkunaka alli shamushkami kan, shinapash tukuy mañashka killkatami charina mutsurin. Ista llakta ayllukunata rikuk tantanakuyka Ecuador llaktapi kamaywan paktami kan. Ñukanchik llakta ukupi pakta kawsayta rikunapi yanapakmi kanchik”, nirkami.

TRADUCTOR  SGOS  LUIS ANRANGO DNCE

 

Click para comentar

Deja una Respuesta

Tu dirección de correo electrónico no será publicada.

Tendencia