Hapishkami runata yanka kullkiwan.

Quito kitypi, tapuykunata rurashpami, Policía Judicial del Distrito Metropolitano de Quito llankaymanta chapakkuna, llankay katishkami Monto Verde rikurayay rurayta, kay llankaywanmi ña riksishka shinallatak hapishka shuk runapa makipi yanka kullkita.

Kay ruraytaka charishkami Chaska puncha 16 kulla killa 2015 wata, kaypimi chapakkuna riksishka shuk kari runata, purikushka chakillawan Juan Bautista Aguirre shinallatak  Bartolomé Alves, llakta ñanta payllatak paypak makipi charikushkami shuk purunkuta, paku tullputa ña chapakkunata rikushpaka kallpashpami rishka, chaymi Policía Judicial llankaymanta hapishkakuna.

Kay runapa shutika kashkami, José Joaquín O. Y runa paypak makipimi hapishka shuk purunkupi pankakuna kullkiman rikchakta (100) dólares americanos, kay tukuy kashkami $767.200,00 kay runaka mana imashina rikuchi tukushkata, chaymi apashka Unidad de Flagrancia llankay wasiman chaypimi juez wanachiy mashi, ña mandashka wishkachichun 30 punchakunata shinallatak ama hatuchun ima charishkata.

/PJDMQ /Traductor Luis Paca /DNCE.