Hapishkami riksinalla llaktallukshichik runakunata, huchachishkami Ecuador llaktamanta wawa wañushka México llaktapi.

Mamallaktapak chapak, willanmi ashka llankaywan tapuykunawan allí yuyakuk chapakkuna Dirección Nacional de Delitos contra la Vida, Muertes Violentas, Secuestros, Extorsión y Desapariciones (Dinased), llankaypi chapakkunami, kay kullka punchami rurashka chikan chikan aylluwasikunapi mashkayta Cañar Marka, Tambo kitypi, kay mashkaypimi hapishka ishkay runakunata, huchachishkami wawa llaktallukshirik  wañushka, México llaktapi pasak 11 Pawkar killapi

Kay runakunapak shutika, Manuel Andres L.L., Guatemalteco llaktaruna, shinalltak Glenda Maricela D., Ecuador llaktawarmi, paykunami willashka kay llaktallukshi ruraypi kashkamanta, willashkami Capitán Christian Gómez de la Dinased. llankay Pushak chapak.

Chapakkunaka willarkami, chikan chikan runakunawanmi tapuykunata charishka, karu uyarik yupaykunata charinkapak, kay yapaywanmi hapishka runakunata.

Kay ruray kati mashkaywanmi aylluwasita mashkashka, chaypimi hapishka killaka panka kullki wakichinata, chikan chikan kullki wakichishka 1.000 warankamanta 5.000 waranka kama, ashtawan hapishkami killka panka shutikuna llaktallukshik kunapakta.

Kay runakunataka pushashkami Cañar Markaman, rikuchun hampikuna chay washa chapakkunapak wasiman, chapakkunaka katinkami llaktawasi mashkaypi, El Tambo, Azogues shinallatak Cuenca llaktakunapi, ashtawan llaktallukshik, wawa wañushka ruraykunapi kashkanman.

Tukuripika Gómez runaka willarkami, Mamallaktapak chapak mana sakinkachu ayllukunata apakunapak makipi, yanapankami ayllukunawan kay llakichikunata huchachishpa apuk kunapak makipi churankapak, llaktallukshichik runakunata chikanyachinkapak.

Paktachik pushakunami wishkachishka kay ishkay riksinalla runakunata, tukuy ruraykunawan hapishkamanta, kallarinkapak paktachiy tapuykunawan.

Fuente: Min. Interior/Traducto Luis Paca DNCE.