GOE llankaypi chapak hapishkami shuk runata Estero Salado yaku Puente Velero kuchullapi.

Shuk kipi yaku ukuta purik  Grupo de Operaciones Especiales (GOE) llankaypi chapak  hapishkami,  puente el Velero kuchullapi mana riksishka runata 30 watayuk, chay runami yaku hawapi kashka, Estero Salado, yaku Clemente Ballén llakta ñanpi.

Chay llaktamanka chayashkami criminalística llankaypi chapakkuna, medicina legal runa aychata apak antawa shinallatak Dinased llankaypi chapakkuna, paykunamanka willashkami sinchi shayak runakuna Puente de Velero yaykunapi, 06:30 sayllapimi shuk warimi willashka chay yakupi shuk runa aycha sirikukta.

Kipi yaku ukuta purikkuna GOE, chayashkami allí kipikunawan, allichishpami kanuwapi yaykushkakuna 500 tupukunata Estero Salado yakupi, chaypimi yaku ukuta purik runakuna ishkay tuputa yaykushpa hapishka runapak aychata.

Chay washaka llukshichishkami yaku kuchullaman fiscal shinallatak runa aycha aparik paykunami rikunka imamanta wañushkata Criminalística llankaypi chapakmi imaykunata shinallatak ima shutiyukta yachankapak.

Yaku ukuta purik Grupo de operaciones Especiales (GOE), llankaypi chapakkunami chaypi llankankuna paktari allí llankaytami charin ayllukunata kishpichishpa yaku purikunapi, kucha yakupi, hatun yaku tiyanakunapi runakuna wañuypi shuktak llankaypipash.

Kay llaki wañuytaka charishka yuyanmi yakuta upiashkamanta, allitaka yachankami medicina legal de la Zona 8 killka pankapi rikuchikpi.

Traductor/ Luis Paca/ DNCE.