Conectate con nosotros

Comunicamos Kichwa

Esmeraldas kitypi hapishkami 787 bloques de cocaína shiraykunata.

Publicada

en

Kay pasak 31 sitwa killa pakari kay kullka 6 karway killa, Unidad Contra el Tráfico en Puertos y Aeropuertos (UIPA) tukuymanta hapishka 787 bloques de cocaína shiraykunata shinallatak kanchis runakuna hapishkata.

Comando de Policía de Esmeraldas llankay wasipi charishkami shuk tantanakuyta willanapak alli llankaykunata General Edmundo Moncayo, director Nacional de Antinarcóticos; Freddy Ramos, subdirector de Antinarcóticos y Paola Cabezas, gobernadora de Esmeraldas, apuk mashikunami ña willashka shinallatak rikuchishka kay shiraykuna hapishkata.

Moncayo mashi pushak rikuchishkami kay ishkay rikurayay ruraykunawan hapishka kashkami kachanapak América Central Apiyala llaktakunaman kachanapak, kay shiraykunak charishkami ishkay watachina chuya pankakunata, Ramos mashi willashkami ña tapuykunata rurakpika, kay mintalakunaka hapitukushpa mana alli llankaymanta hatun mamayakupi, shitakkunami kashka kay kipi shiraykunata.

Moncayo mashi rikuchishkami ishkay runakunaka Colombia llaktamantami kashka chaymantami yuyanka kay shirakunaka ka llaktamanta shamushkata, kanua aparikunapi shukshichun Centroamérica llaktakunaman.

Kay llankaykunaka kanmi ishkay rikurayay ruraykuna.

Kay kallari rikurayay ruray Ocaso, rurashkami pasak 31 sitwa killa, hapishkami 400 bloques de cocaína shiraykunata, tanquero aparik antawapi, shinallatak kay ishkaypika Brisa llankaywan 387 kipikunata shiraykuna pampashkata, Atacames wasikuna kuchullapi 30 tupukuna hatun mma yaku kuchullapi. Hapishkami tukuymanta 600 kilos de alcaloide shiraykunata.

Kay rikurayay ruraykunapika, hapishkami ishkay antawakunata shinallatak shuk tanquero antawatapash, Moncayo mashi rikuchishkami kay Ecuador mamallaktapika mana tiyanchu imashina rurana shiraykunata llankay wasi, chakra shiraykuna, astawankarin kay mamallaktatami pasankuna, chaymantami Dirección Antinarcóticos llankay mashikuna punllanta alli llankayta rikuchinkuna Grupo Especial Móvil Antinarcótico (GEMA), Centro Regional de Adiestramiento Canino (CRAC) UIPA; shuktak alli llankakunapash.

Kay rikurayay ruraywanka harkashkami ama hatuchun 3’386.040 dosis de cocaína shiraykunata hatuna wasikunaman. A. V. /Quito/ MDI- Traductor / Luis Paca /DNCE

Click para comentar

Deja una Respuesta

Tu dirección de correo electrónico no será publicada. Los campos obligatorios están marcados con *

Tendencia