Duran kitypi hapishka shirayta, tukyak muyuta, kuyukunata, shinallatak illapa ayñita

Guayas Marka Duran Kitypi, llankak chapakkuna rikurayay ruraykunawan shinallatak paktachishkami kay tukuri sayllapi, hapishka 156 tukyak muyukuna, ishkay kuyukuna, illapa ayñi shinallatak shirayta

Chapakkunapak willaypika rikurinmi, Cooperativa el Ejercito llakta mapakuna shitana cuchullapi, Divino Niño llaktapi chapak kuyukpi, rikushka shuk kipi llaktañan kuchullapi sirikushka, chay kipi ukupika 165 tukyak muyukuna Cal. 7.2 shinallatak 7 muyukuna wakichinata

Awaki puncha 18:30 saylla pachapi, circuito Arbolito llaktapi llankak chapak, Cooperativo Hector Cobos Mz.5. llaktapimi hapishka Joffre Orlando R. V. 26 watayukta runata, charikushkami 20 uchilla kipikunata shuk ashnay paku tullpu shinallatak Edison Alfredo G. A. 26 watayuk, ña killkamaypi charirkami wishkashkata shuwashkamanta 2012 watapi, chay runa charikurkami 51 uchilla kipikunata tukuyta llashaka 48 warankaku shiray shinallatak 16 warankaku shiray

Kuyukkuna hapishkaka kanmi, shuk Ninbus, riksichita mana charinchu, purichikushkami shuk wampra, chapakkunata rikushpaka chay kuyukta shitashpami kallpashpa rishka, shitashkami shuk killka panka kuyukta randishkata

Llaktañan Samuel Cisneros Karaoke “Sonrio” kuchullapi hapishkami Suzuki kuyuk, yana tullpu, ak 100 HB 322C, shuwashkami Richard Michael P.S. runata, kay kuyuktaka hapishkami Pedro Vicente Maldonado, llaktañanpi 5 chinikutami katishpa hapishka Angel Steven A. S. 19 watayukta, shuktak runapakta apushkaymanta

Shuktay rurayta charirka El Recreo 5ta etapa Mz. 505, Circuito Herradura llaktapi llankak shuk chapakkunapak antawapimi, hapishka Peter Andrés V. C. 28 watayuk, charikushka shuk illapa ayñita runa wasipi rurashkata, chay runaka purikushkami riksinalla manchaywan chay llaktapi, chaymantami mashkashpa hapishka

Kay riksinalla runakunataka churashkami apukkunapak makipi huchata rurashkamanta shinallatak chay imaykunataka wakichishkami Duran kity Policía Judicial llankay wasipi shinallatak Guayas Marka Jefatura Antinarcóticos llankay wasipi. Traductor Luis Paca/ DNCE