Conectate con nosotros

Comunicamos Kichwa

Dinapen tantanakuyka Los Rios markapi shuk hampina wasinamanta pakatukuk chusku wamrakunatami yanaparka.

Publicada

en

Quevedo.- Chusku wamrakunatami Dirección Nacional de Policía Especializada para Niños, Niñas y Adolescentes (Dinapen) tantanakuy kutin hapirkakuna, paykunaka Quito ñan, Quevedo kiti wichkana wasi chimpapurapimi purikushka karka.

Dinapen chapakkunaka, wamrakunataka Antauyachikpi kayashkamantami katishpa hapirkanchik nirka. Paykunapakman chayashpaka chapakkunaka paykunapak iñik pankata mañarka, wamrakunaka mana charinchikchu nirka, paykunaka “Amigos verdaderos” shuti hampina wasimanta pakatukushpa llukshishka karka, kay hampina wasika Buena Fe kitipimi sakirin.

Shinallatak nirkakunami paykuna mana kullkita charishkamantami Buena Fe kitimanta Quevedo kitikama purishpa shamurkanchik nirkami. Paykunaka shaykushka ñawitami charirka, 20 kilómetros yalli tuputami ishkay kitipurapi purishka karka.

Hapitukushka ayllukunaka kaykunami kan: Ernesto Xavier  O.M, 16 watayuk, Daniel Byron  A. M. 16 watayuk,  Luis Daniel  M.V 17 watayuk, José Adrián V. M, 20 watayuk, payllami ña ruku runa karka.

Paykunaka Dinapen wasimanmi apashka karkakuna chay kipaka llaktapak hampina wasiman apashka karka kaypimi imashinalla kashkata rikurkakuna. Chaykipa wamrakunaka chapakkuna yanapashkawan paykunapak wasi ayllukunawan kayarinakurka, apanaman chayachunkuna..

Shinallatak Hampina wasita pushak, Manuel Zumba Ávila runapash wamrakuna kinkarishkata yachashpaka Quevedo kitipi chapana pushak wasiman chayarka. Payka kay hampina wasi llankanapak arinishka killkakunata riksichirka, kayshina llankayta ñawpakman apanapak arinishka kashkata yachachunkuna.

 

TRADUCTOR -SGOS LUIS ANRANGO DNCE

Click para comentar

Deja una Respuesta

Tu dirección de correo electrónico no será publicada. Los campos obligatorios están marcados con *

Tendencia