Chapakta wañuchikunata ñami hapishka DINASED llankaymanta chapakkuna.

Ishkay killa tapuykunawan, DINASED llankaymanta chapakkuna riksishpa hapishkami runakunata Favio Herry G. M yanapak chapak mashi  wañushkamanta, kay runakunata huchachishka, wañuchishkami pasak 30 Sitwa killapi, hapishkami makikuna shinallatak chakikuna watashka, llakitami rurashka chay washa shitashkami Lumbisí llakta shuk waykupi Quito Kity llukshinakunapi.

Mashkakunmi kay llaki ruray rikurichun, ña wañushka aychata hapishka washa, chikan chikan tantanakuy chapakkunatami tapuykunata rurachun churashka, paykunapak llankayka ñami kashka pakta llanakay ishkay runakunata huchachinapak, shinallatak mañanapak apuk paktachiykunata wishkachichun, mandachun ayllu wasikunaman yaykunapak kay 18 kuski killa kay mañay paktachichun kachashkami.

Kay huchachishkakuna kanmi, Darwin Leonardo Y. M shinallatak Angélica Mercedes C. L, runakuna, hapishkakunami chinchan suyu Mamallaktapi 17h30 sayllapi, kay punchami wishkachichun shuk killka pankata kushka, chaymi yanapak chapakkuna hapishka shuk kushikuna wasimanta llukshikukpi kay llaktapi purikushkami llakta ñanpi.

Kimsa wasikunaman yaykushkami, shukpika San Bartolo llakta, shuktak La Hospitalaria shinallatak tukuripika  La Argelia Alta Llakta, kay tukuri ruraykunapika hapishkami, revolver illapa ayñita, sukta muyukuna, shinallatak chikan chika imaykuna, kay llaki yawar hawa.

Ña tapuykunata rurakpika rikuchishkami, kay pachakunapika yayanmi kay llaki wañuyka kanmi antawata shuwashkamanta, shinallatak mana hapishkachu kay antawata.

Tukuripi tapuykunata, formulación de cargos llankayta rurakpika, wanachishkami 90 punchakunata instrucción fiscal llankayta, shinallatak juez apuk paktachipak makipi churachun.

Ña wata tukuripika, DINASED llankaymanta chapakkuna hapishkami 645 huchachishkakunta kawsayta kichushkamanta, chaykunamantaka 496 kanmi ruraykuna tukushka 2014 wata, 83 kanmi ñawpa watamanta shinallatak 66 ruray kanmi rikurayay ruray llakichikunamanta.

Min. Interior /Traductor /Luis Paca /DNCE.