Chapakkuna mashiyashpa taripankapak yachayta chaskirka

Kay tutamanta, Distrito Metropolitano de Quito tantanakuypak wasi ukupi, Dirección Nacional de Delitos contra la Vida, Muertes Violentas, Desaparición, Extorsión y Secuestros  (Dinased) tantanakuymanta yachakkunami Homicidios y Desaparición de Personas tantaripi llankak ayllukunata mashiyashpa taripanata yachachirkakuna.

Kay ruraykunawanka llankak runakuna imashina paktakushkatami rikunka shinallatak Dinased tantanakuypi llankanapak runakunata akllaymi kan.

Kayman chayamuk 60 ayllukunaka psicológicas, psicotrópicas, toxicológicas, polígrafo taripaykunatami kutichinka, kaywanmi llankanapak kallarishka runa imashinalla kashkata riksinkakuna, kay tantanakuypi llankak ayllukuna paktachina charishkatami riksinka.

Kashnami Coronel Carlos Alulema Miranda, Dinased tantanakuyta llaktapi pushak willachirka, kay taripaykunaka pakta pakta yachashkata riksiymi kan, kaypimi kashna alli sumakta runaykunapi llankachun ayllukunata akllanchik, nirkami. Distrito E.E/JF/ P.Pareja/ DNCE

TRADUCTOR SGOS LUIS ANRANGO DNCE