Chapakkuna, llaktayukkunawan makipurashpa umachinkachinata chimpapuran

Guayaquil kiti llaktamanta pakta yalli ayllukuna kay awaki punchami Josimar pukllana wasipi Guays markapi umachinkachinata rikuk, Universidad Estatal yachana wasi pushakkunapash, “Kikinpak munaymi, umachinkachik illaymi kawsani” shuti willachiyta LLakta Pushakwan, Ministerio del Interior shinallatak LLakta Chapakkunawan Hatun rimanakuyta rurarkakuna.

Kayshina willaywanmi mamakucha kuchullapi kawsak llaktakunaman kay shamuk kanchis killa ukupi chayashun, kayshina llankayka Educación Fiscal yachayta puchukay patakunapi kak yachakukkunawanmi yanaparishka, kaypika tushuykunata, pukllakunatami hunkaypi 3 punchapi llankanka.

Guayas markapi Umachinkachinata kamak wasimanta teniente Paola Zambrano chapakka, kayshina riksichishpa willachiywanka ayllukuna umachinkachinamanta anchuchinapakmi kan, shinallatak kuyuripi ashtawan kimirichunmi yanapan, nirkami.

Shinallatak Guayas markapi Umachinkachiyta rikuk wasi pushak, teniente coronel Omar Paredes chapakka, kayshina willaykunawanka tukuy llaktapimi ayllukunaman, wasikunaman umachinkachinamanta karuyachun kayachikunchik, kayshina llankayka ashalla umachinkachinata mintalayta anchuchinapakmi kan, nirkami, shinallatak “mana pikuna rantik tiyakpika mana mintalay tiyankachu”, nirkami

Chapak teniente coronel Paredes runaka, kay shamuk hunkaykunami kayshina willaykunataka Cisne, Monte Sinaí, Pascuales, Durán, Los Guasmo, Montebello llaktakunapi, shuktak kushakunapipashmi rurashun, nirkami. . /Min. Interior/DNCE/M. Rojas

TRADUCTOR  SGOS LUIS ANRANGO DNCE