Chapakkuna kutin hapishkami 531awkaru maytushkata 200 000 dólares kullkimi kanka tukuyllaka.

Quevedo Kitypi rikurayay ruraykunawan kay Awaki puncha, Policía Judicial de Los Ríos llankaymanta kutin hapishkami shuk hatunakunata, shuwashka nishpa ña willashkakuna kay kipikunaka 200 waranka kullkimi kanka.

Kanmi 531 awkaru maytushka, kaykunaka kashkami shuk hatun aparik antawapak wakichinapi, hapishkami Los Sauces, en el kilómetro 3 ½ de la vía Quevedo -El Empalme llakta ñanpi, chapakkunapa willaypi, kay kipi maytuykunataka shuwashkami llakichik runakuna, pasak kullka puncha, 2 wayru killa, Patricia Pilar shinallatak Luz de América, en la vía Quevedo – Santo Domingo llankata ñanpi.

Paktachiy chapakkuna tapuykunata rurakpika, kay kipikunata aparika pakallami kashka shuk hatun wasi alli wasichishkapi, El Empalme llakata ñanpi, kay rikuchikunawanmi chapakkunaka rishkakuna fiscal Wilson Viteri shinallatak Grupo de Operaciones Especiales (GOE) llankaykunawan wankurishpa kay llankayta rurankapak.

Harkaykuna

Kay llaktapika, shuk sinchi shayakmi mana yaykuchisha nishka apuk pushakkunata, wasiyuk mana yaykukta sakikpi, Héctor David H.B., kay runa tapushkami kamachiyta alli yachakta.

Asha chiniku kipami wasiyuk runa kayashka karu uyariman, ña yaykuchun kay wasiman kay kipikunapak ayllukunata, Juan Manuel Chuqui Cali shinallatak María Cristina Chicaiza Cali. Runakunata.

Kay llaktapimi llakichishka runakunaka, rikushkakuna shuk hatun wakichina kishpu tullpu ñawpakman shuwashkamanta, ña chushakllami kashka.

Chay wasillapitak shuk kuchullapimi shuktak hatun aparik suku tullpu, mana yupaykunata charishkachu kay hatun wakichina ukupimi charikushka maytushkakunata, kay wasimanka chayashkami Criminalística llankaymanta chapakkuna, paykunami rikushka imaykunata.

Kay wasipi llankak ayllukunataka fiscal paktachiymi tapuykunata rurashka, kay llakita imashina rurashkamanta, kay runakunak kay wasiyuktami huchachishkakuna, fiscal paktachiy mashi mandashka kay aparik antawaka apashka kachun antawakuna wakichina wasiman, shinallatak 531 awkaru maytushkataka yaykuchishkami Policía Judicial del Distrito Quevedo llankay wasiman shukta kamachiykama.

/Redacción Los Ríos /Luis Paca /DNCE.