Yanapakwasikuna Kapaktukukkamay
Ecuador Mamallaktapak Chapakka sumakta paktachin Mamakamachiy kapaktukukamayta.
Yanapakwasikuna Kapaktukukkamay
1.-Kay chapak runakunata sinchi llamkay pachanta hapinkapakka, sumak llamkaywanmi chay sumakllamkay yanapak wasita rurana kan, shinaka “Runakunapa waki, runakunapa nikita rikushpa, wakipa hayñita paktachichun, mamapacha ukupi sumakta kawsachunmi ashtawanka llamkankuna…”
2.-Chay wasi chapak llamkayka tukuypakmi ayninata, iñinata kushpa yachaywan runakunapa waki, runakunapa nikita rikushpa, imashina yuyaykawsay, nikiyuk, yachay, llamkahillaywanmi rikuchinka, shinallatak achikllaywan, paktachiywan, ashtawanka ima rurashkata rikuchikwanmi ayllu wakiman kuchuyachinka.
3.-Ñukanchikchapakkunapi wiñariywan allichiwanpashmi yachaykunata allichishpa, imashina chapak llamkayta sinchiyachishpa wakita sumaymana kawsayta karankapak kan, shinaka wakipa llamkaytami ashtawan sinchiyachishpa kawsaykamayta rikuchina.
Chapakpa ruraykunaka runa imashina paypa kawsayta rikushpami, paykunapa, kishpikayta, runa kashkata sumaychashpa hayñita apana; chapakka sumak yuyaywan allí kawsay kamachikkunata mashkanka; chaykunaka allí rikuchik kawsaywan, ama llullaywanmi llamkaypi ruranka, shinami waki ayllukunawan, chapak mashikunawan alli kawsanka, chayka punchantami sumak yuyayta umapi charishpa kawsana.
4.-Mamallakta ima charishkata chapak paypak llamkayta paktachichun kushkatami sumakta maywashpa charinka; shinami paypak chapak llamkayta umapi charishpa, allí rurakunata yanapak, makita kuk chapak kanka, ashtawanka sumak llamkaymi chapakka kallari yuyaywan kanka.
5.-Chapak runakunami imashina rimana ñanta mashkashpa ayllukunawan sumak kawsayta charinka, shinami may ñukanchik kuska llamkaypi allichishpa llamkana, tukuy allí kawsay charina kan.
6.-Sapsipi, shukshukllapi chapakkunata rikunkapakka shuk sinchi imashina llamkak, ayllukunata yanapak kamayku llikatami rurana, shinallatak imashina chay sinchi yuyayta churankunatapashmi rikuna kan (Pushak kamachik milka), chaywanmi ashtawan allichishpa, yachashpapash katina kan, chay millay makanakukta mama pachapi anchuchinkakama
7.-Tukuy allichikkunata, kamachikta, yuyayta, killkata, chapak kamachiktami rikuchina kan, chaywanka tukuykunami shuk yuyayllawan, asikwan, allikaywan chapak yuyayta rikuchina kan.
8.-Chay runakuna llamkaypi minkaktaka achiklla yuyaywanmi llamkana kan, ashtawanka allikay yuyaywanmi tukuykunapak allí kawsayta rikushpa, mana kachachiktalla rikushpa, shinallatak manukaytalla rikushpachu rurana kan.
9.-Chapakkuna ima rurashkataka chay kamachikta rikushpa, lutsa kamachikta, runapa yuyayta, allitak llamkayta, sumakllamkayta, sinchi shunkuwan rurashkatami rikuna kan.
10.-Chapakkunapak rurkñanta chapay kallaripacha paktari sipishka, lutsayak, anchayay, allitaruray, sumakyak yanapay shinallatak sinchi shayak.