BAC tantanakuyka cooperativa Horizontes del Fortín kitipi antawa wakllichina wasita tarirka

Kay cooperativa Horizontes del Fortín, Guayaquil tikipi, Brigada Anti Criminal (BAC-Zona 8) chapakkunami antawan wakllichina wasita tarirkakuna, kaypimi antawakunata allichina wasi shina kashka.

Chapakkunaka shuk antawata rikuk rastreo satelital ankita pushak wasikunawan makipurashpami shuk suku Chevrolet Family, GSI-9713 yupaywan riksirishka antawata, Guasmo Central wasipi shuwashka, kay Marieta Elsa T. R. warmita pushak runata.

Llaktapi Chapakkunaka, kay rastreo Satelital ankita rikuk runakunawanmi kay Mz. 4. Solar 14 kuska wasiman, kay anki rikuchishkata katishpa chayarkakuna, kaymanka Vicente Tomas M. M runa arinishkawanmi yaykurkakuna, kay wasipimi Guayaquil llaktapi shuwashka antawakunataka wakllichishk kashka, chayta rikushpami kay runataka wichkanapak aparkakuna.

Kay wasi ukupimi Chevrolet Family antawaka kashka, ñami wakllichirikushka, shinallatak shuktak antawakunapash chaypimi kashka, kayshinami Vicente Tomas M. M. runaka rurakkashka. Kay runaka shuwashka charinakunata pakashkamanta huchachishpa ishkay kutin wichkashkami ñawpaman kashka. Chayllapitak Vicente Tomás V. M runapash, huchachishkamanta ñawpaman chishkashka kakpashmi chaypi hapitukurka, payka antawakunata shuwashpa wakllichishpami purikkashka.

Kay willaykunata chaskik fiscal runami kay ishkay runakunata taripanapak wichkashpa churarka, kayshina paktarinatak shuwakukta hapishka nishpa rikischishka 444 niki killka, 9 killkapi rikuchishkata paktashpa, kay runakunaka wanachinata rikuk kamakpak makipimi sakirirkakuna. Kay formulación de cargo ñawinchiypimi huchachishka kanka kay runakunaka.

Tukuy tarishka charinakunaka Policía Judicial de la Zona 8 kuskapi chapakkunapak wasipimi sakirirka.

Hapishka

• Shuk yurak Chevrolet Family, suku GSI-9713 yupaywan antawa
• Iskun punkukuna
• Kimsa purichinapak rumpa
• Kipi aparinapak kimsa antachik
• Ishkay motor antakuna
• Shuk Antawa kimirina
•  Ishkay karu uyachik
• Mana Riksishka antawakunapak tawak charichinakuna.

TRADUCTOR SGOP LUIS ANRANGO DNCE