Azuay Guayas Markakunapi Chapakkuna kutin hapishkami tráiler hatun antawa shinallatak llika antanikik shuwashkata.

Azuay shinallatak Guayas Markapi tantalla llankaypi sakinmi sukta runakuna hapishka shinallatak shuk tráiler hatun antawa imaykunawan, kay antawataka shuwashshkami kayna tuta Guayaquil Kitypi, kunanmi hapishka vía Cajas-Molleturo llakta Azuay Markapi.

Coronel Germán Cevallos, jefe de la Policía Judicial en el Azuay llankaymanta, willachishkami shuwashkamanta shinallatak illapa ayñiwan shuwashkamanta pusak runakunamanta shuk hatun antawata, Guayaquil kitypi, Azuay markapi chapakkuna mashkayta kallarishkami antawakuna chay hatun antawata yanapakukta, kayta rikuk runakunataka watashpami shitashka.

05h00 saylla pachami chapakkuna hapishka camión antawata de placas, PAA-1249 riksichikta, Dos Chorreras llaktapimi chaypimi shayachishka apakukta shinallatak mashkayta kallarishka ishkay antawakuna yanapakukta.

Sayausí kityllipi hapishkami ishkay antawakunata, kaypi shuk antawaka chinkarishkami, shuktaka placas GPD-854 riksichikwan, hapishkami ishkay runakunawan, kay kimsa runakuna shinallatak hatun antawatapash wakichishkami Policía Judicial wasipi, killkayta paktachichun, chay washa apachun Guayaquil kityman, chay llaktapimi kimsa runakunata tapuykunata ruranka chaypi kashkamanta.

kay llakitaka rurashkami ayllukuna rikukunpi, paktachinkami utka llankaykunata, fiscalía Guayas llankaymanta kay llakichita paktachichun, manarak 24 saylla paktakpi, ñukanchipak llankayka hapishkakunata yanapankami, shinallatak kanmi llika antanikikuna, kay hatun antawpika wishkashkami kay imaykuna chashnami ña kushka paktachiy pushakkunaman, nishkami Cevallos mashi pushak.

Ecuador Mamallaktapa chapakuna utkami kay mashkay llankaypi chashka, yupay chayta kushkami ayllullaktakunata llankaypi yanapashkamanta, llakichishka runakunatapash tukuy Mamallaktapi ñukanchipak llankayka kanmi kasilla kawsaypak, ukllana ayllukunata, kay hatun llakikunata rikurayashunmi kay punllakunaka kay llakika katinkami nishkami Cevallos mashi pushak.

MDI /Traductor /Luis Paca /DNCE.