Azuay Markapi llakichik runakunaka ña charirkami huchayukunata.

Cuenca llaktañanpi, wacha punllapimi hapirka, pusak runakunata illapaykunawna chimpapurarka, chapakkunaka willarkami  chusku runakunaka ñami  huchapi  urmashka karka,  shuk chapakrunatami  hapirka tantanakuy llakichikunawan chay washami  kacharka Guayaquil kityman hatun llakichik wakichina wasiman.

Azuay Markapimi, Marcelo Tobar, chapakkunapak  pushakka, willarkami   Jose S runaka, Colombia llaktamantami, 2012 watapimi charirka shuk huchallishkata pay charikurka illapa ayñita,  Pichincha Markapi  shinallata  Carlos G, runapish hapishkami karka 2008, watapi illapa ayñiwan.

Ecuador Mamallaktamantaka Willam F runaka charinmi ishkay huchallishkata, Azuay Markapi.  2012 watapi ayllukunata shuwakmi karka, ishkaynikipika Tungurahua Markapi 2013 watapi shuwashkamanta shinallatak Javer S charinmi pichka huchallishkata: 1999, 2004,2007,2008 watakuna shuwashkamanta  Azuay Markapi. Shinallatak 2012 watapi charirka shuk killpankata shuwashkamanta, kurka shuk Wanackik Loja Markapi.

Kay chapak runaka tantanakushka  llakichikunamantaka,  Tobar Chapakunapak pushak willarkami,  Kallari chapak runami karka shinallatak UPC Ucubamba llaktapimi  llankakurka.

Chay punllaka kay chapak runaka samarikurkami, chapakkunapak llankay wasita,  paypak  churanatapish  llakichirkami chaymantami  tukuy taripaykunawan, tapuykunawan chayarka shinallatak churarka paktachik pushakkunapak makipi.

IIlapa ayñikunata, antawakunata  churanakunata  shinallatak shuktak imaykunatapahs utkami rikuchirka chapakka. Kay tukuy willakunata  killkakunata kurkami  paktachik pushakkunaman, chapak llankaywasipak yuyaymi anchuchina tukuy mana allí chapakunata. Tobar  pushak willarkami.