97% llakichishka mashikuna huchachishkami Ecuador Mamallaktapi ña allichishka.

Kay Awaki tutamanta 18 Aymuray killa, Teleamazonas karu rikuchikpi tapuykunata charishkami José Serrano, Ministro del Interior, llankaymanta mashi pushak rimarishkami chapakkunapa alli pakta llankayta Mamallaktapa ayllukuna llakichi ruraypi, shinallatak willashkami yanka parlukunata llakichik tantanakuy runakuna hatukukta ayllukunapa aychata.

Ashtawankarin rikuchishkami Mateo A., wawata mashkanapak kishpichinapa chaypimi kashkakuna 220 alli yachak chapakkuna, ña purinakushkami Serrano shuti llankaywan, rikuchishkami kay llakichi ruray alli yuyaywanmi kimsa runakuna rurashka ña tayta mamapak purikunata yachashkami, shinalltak ima shina paypak wasiman puriktapash.

Kay Mateo wawpak llakimanta kishpichina paktashkami 72 saylla pachakunata, Unidad Antisecuestros y Extorsión (Unase). Chapakpa llankayta yupaychayta kushkami, “kay llakimantaka mana shuyaytukunchikchu shuk hunkay punchakunata”  nishkami mamallaktapa llankayta rikuchik.

Serrano mashi rimarishkami 48 saylla pachakunatami kushka kay llakichik mashi paktachikunapa makiman shamuchun, mana kashpa paypak shuty yaykunkami ‘Más Buscados’ llankayman, mashnatami kay runa mañarka chay kullkillatak.

Unase llankaymanta charishkami 97% llankay huchachikunata paktachishkamanta, kay llankaywanmi harkashka ama ashka kullkita kuchun llakichik mashikunaman, ayllukunapa makimanta, kay watapika, 47 llakichikunami ña pakta llankayta charishka, kay llakichikunataka ña wishkashkami shinallaktak 2015 watapika kimsa llakichikunatami hapishka.

Mamallaktapa chapakpa alli llankay, mushuk paktay llankay llankaykamak paktachikunmi, ña mana sakirinkachu upalla kay llakikuna, Serrano mashi rikuchishkami ima llakita charishpa ayllukuna huchachinami kankichik utka apuk paktachikunaman, shinallatak paktachinami kankichik kay mashi chapakuna imata nishkata.

Ayllupa aychata hatukushkamanta ña tapuykunata rurakun.

José Serrano rikuchishkami kay tukuri hunkay punchakunata, mamallaktapi ayllukuna chinkari shinallatak ayllupa aychata hatuy llullallami kan, Valle de los Chillos llaktapimi kallarishka kay parlukuna, Ibarra, Guayaquil shinallatak Quito kitykunapipash, kay huchachikunaka mana charinchu maymanta kallarin kay llakichikuna.

Kaywanka llakichishpa manchachikunmi ayllullaktakunata, Serrano mashi yuyachishkami ishkay runakunami, shuk ayllupa tullputa llikakunapi karu rikukman churashka Perú llaktapi kay rikuyta ñawpa wata, ña tapuykunata rurakunmi.

Kay willaykuna mana alli huchachikuna Código Orgánico Integral Penal (Coip) llankaypimi wanachitukun 12 watakama, El Ministro mashi pushak kay rimayta tukuchishkami kay chapakpa llankay, kanmi shuk alli llankay Ecuador mamallatktapi ña kawsay tukunkimi mana manchashpalla. MDI/ Traductor Luis Paca /DNCE.