25 waranka chapakkunami paktachinka kawsaykamayta kay Carnaval raymikunapi

Ecuador Mamallaktapak chapakkunaka, Carnaval Raymikunapimi rikurayay ruraykuna shinallatak ayllukuna allí kawsaypak paktachinkami, ayllukunapura makanakuypi, ima charinakunapi runakuna charichun allí llankaykunata. 24.990 chapakkunami paykunami pushakkuna, kipa pushakkuna, kanlla chapakkuna tantallami kay llankayta charinkakuna Mamallaktapi

Kay llankaykunaka kallarinkami 28 Chaska puncha 12:00 saylla pachapi shinallatak tukurinkami Pawkar killa, 04 Awkarik puncha 24:00 saylla pacha kay llankaypika ashtawan kanlla chapakkunami llankanka ashka ayllullaktakunapi, ñawpa kawsay rikuykunapi, kunuk yakupi armaykunapi, antawa aparik shayanakunapi, hawata purik antanka shinallatak shuktakkunapi

Kay llankaywanka harkankami llakichikkunata, ayllullaktapi makanakuy tiyakpi, antawakuna stakmanakuypi shinallatak ashka antawakuna harkaripi

Manabi, Santa Elena, Esmeraldas, Los Rios, Bolivar, Tungurahua Markakunapi ashtawan Zona 8 (Distrito Metropolitano de Quito), shinallatak zona 9 ( Distrito Metropolitano de Guayaquil) llaktakunapi,  llankayta sinchiyachishpa yachak kanlla chapakkunawan kay raymikunapi

Chapapkunaka  paktachinkami yanapayta 1833 uchilla shinllatak hatun antawakuna 2914 uchilla antawa, 20 antawakuna unkushkata apak, 21 aparik antawakuna,7 hawata purik antanka, shinallatak 58 pintukata wasikunapimi llankankakuna chikan chikan llaktakunapi  hampik runakunapash 24 markakunapi.

General Superior Rodrigo Suarez,chapakkunapak pushak willarkami kay  ashka raymikunapika kallarinkami 28 Chaska punlla 12H00 saylla pacha  kay 22H00 saylla pachapi mana tiyankachu púrina hatun antawakuna  shinallatak pawkar killa 1 wacha punchapi 06H00 kay 12H00 saylla pacha, shinallatak pawkar killa 4 awakarik puncha 07H00 saylla pacha kay 20H00 saylla pachakama, ashtawan ayllu llaktakunapi harkankami rikurayashpa antawakunata Traductor Sgos Luis Anrango Cbp. Luis Paca DNCE